சன்னா டிக்கி

தேவையான பொருட்கள்:

வெள்ளை கொண்டைக்கடலை - 1/4 கிலோ
கடலைமாவு - 100 கிராம்
வெங்காயம் - 50 கிராம்
பச்சைமிளகாய் - 25 கிராம்
கொத்தமல்லி இலை - 100 கிராம்
கறிவேப்பிலை - 10 கிராம்
மிளகாய் தூள் - 25 கிராம்
மஞ்சள் தூள் - 5 கிராம்
உப்பு - தேவைக்கேற்ப
கரம் மசாலா தூள் - 15 கிராம்
சோம்பு - 10 கிராம்
சீரகம் - 5 கிராம்
எண்ணெய் - 1/4 லிட்டர்

செய்முறை:

கொண்டைக்கடலையை 10 மணி நேரம் ஊற வைத்து, தண்ணீரை வடித்து விட்டுப் பொடித்துக் கொள்ளவும்.

கடலை மாவுடன், நறுக்கிய வெங்காயம், பச்சைமிளகாய், கொத்தமல்லி, கறிவேப்பிலை சேர்க்கவும்.

மிளகாய் தூள், மஞ்சள் தூள், கரம் மசாலாவும் சேர்க்கவும். சோம்பையும், சீரகத்தையும் வெறுமனே வறுத்து, சிவந்ததும் ஆற வைத்து, கலவையில் சேர்க்கவும். தேவைக்கேற்ப உப்பு சேர்த்து எல்லாவற்றையும் கெட்டியாகப் பிசையவும்.

வடை பதத்துக்கு இருக்க வேண்டும். அதைச் சின்ன சின்ன உருண்டைகளாகப் பிடித்து, தட்டி, தோசைக்கல்லில் எண்ணெய் அல்லது நெய் விட்டு, இரண்டு பக்கங்களும் சிவந்து, முறுகலானதும் எடுக்கவும்

 இதையே 20 கிராம் ஆம்ச்சூர் பவுடரும், 15 கிராம் சன்னா மசாலா பவுடரும் சேர்த்து செய்தால் வட இந்திய ஸ்டைல் டிக்கி தயார். சாதத்துடன் பரிமாறலாம். மாலை நேர சிற்றுண்டியாகவும் சாப்பிடலாம்.