பச்சை ஆப்பிள் ஊறுகாய்

தேவையான பொருட்கள்:

1. பச்சை நிற ஆப்பிள் (புளிப்பான கிரீன் ஆப்பிள்) – 1
2. மிளகாய்த் தூள் – 1 டீஸ்பூன்
3. வெந்தயம் – 1/2 டீஸ்பூன்
4. பெருங்காயத்தூள் – 1/2 டீஸ்பூன்
5. உப்பு – 1 டீஸ்பூன்
6. கடுகு – 1/2 டீஸ்பூன்
7. நல்லெண்ணெய் – 1 டேபிள்ஸ்பூன்

செய்முறை:

1. ஆப்பிளை சிறு துண்டுகளாக வெட்டிக் கொள்ளவும். அதில் மிளகாய்த் தூளைத் தூவி வைத்துக் கொள்ளவும்.
2. வெந்தயத்தை, வெறும் வாணலியில் போட்டு சிவக்க வறுத்தெடுத்து, பொடித்துக் கொள்ளவும்.
3. வறுத்தெடுத்த வெந்தயப் பொடியையும், உப்பையும் ஆப்பிள் துண்டுகளுடன் கலக்கவும்.
4. ஒரு சிறு வாணலியில் எண்ணை விட்டு காய்ந்ததும், கடுகு போடவும். கடுகு வெடித்தவுடன், பெருங்காயத்தூளைச் சேர்த்து, உடனடியாக ஆப்பிள் துண்டுகளின் மேல் ஊற்றி நன்றாகக் கிளறி விடவும்.
5. இது வெந்தய மாங்காய் ஊறுகாய் போடுவது போல் தான். மாங்காயிற்கு பதிலாக புளிப்பு தன்மை வாய்ந்த பச்சை நிற ஆப்பிளை உபயோகிக்கிறோம்.
6. ஓரிரு தினங்களுக்கு கெடாமல் இருக்கும். தயிர் சாதத்தினுடன் பரிமாற சுவையாயிருக்கும்.